پدریت کی چھٹی سے متعلق والد حضرات کے تجربات

بیشتر لوگ اپنی ولدیت کی چھٹی سے کافی مطمئن تھے

عام طور پر، زیادہ تر والد کہتے ہیں کہ وہ ولدیت کی چھٹی پر اپنے وقت سے بہت خوش تھے۔
وہ خاص طور پر بچے کے ساتھ اکیلے رہنے اور بہتر رشتہ استوار کرنے جیسی چیزوں پر زور دیتے ہیں۔

سروے میں بہت کم والد ہی ایسے ہیں جو کہتے ہیں کہ اگر وہ دوبارہ انتخاب کر سکتے تو وہ مختصر ولدیت کی چھٹی لیتے۔
اس کے برعکس، بڑی اکثریت کا کہنا ہے کہ وہ اس سے بھی زیادہ طویل مدت کی ولدیت کی چھٹی لینا پسند کریں گے۔

بہت سے لوگ بیان کرتے ہیں کہ چھٹی پر کس طرح روزمرہ کی زندگی ان کے لیے ایک طرح سے سرپرائز تھی۔
ایک طرف تو بھرنے کے لیے بہت وقت ہے، لیکن دوسری طرف بہت کچھ کرنا مشکل ہو سکتا ہے۔
اس کی لیے

گھر سے باہر نکلنے کی پلاننگ درکار ہو سکتی ہے۔
عین اسی وقت، منصوبہ بند اور غیر منصوبہ بند دوپہر کی جھپکی یا اچانک جھپکی میں تبدیلیاں بہترین منصوبوں میں بھی خلل ڈال سکتی ہیں۔
پھر بھی کئی والد حضرات ایسے جنہں لگتا ہے کہ وہ ہفتے کے دوران کچھ وقفوں

سے لطف اندوز ہوتے ہیں جہاں وہ بچے کے ساتھ سرگرمیوں پر جا سکتے ہیں یا دوسرے والد حضرات اور والدین سے مل سکتے ہیں۔

کچھ لوگوں کے لیے، جب زندگی عام طور پر مصروف ہوتی ہے تب ہلکی رفتار سے چلنا اور کچھ نہ کرنا ایک راحت ہے۔
دوسروں کو لگتا ہے کہ بہت کم ہو رہا ہے، اور وقت رینگ کر گزر رہا ہے۔
اس صورت میں ایک ہی صورت حال میں مبتلا دوسروں سے بات کرنا، یا ان چیزوں کا منصوبہ بنانا جو آپ اور بچہ ایک ساتھ کر سکتے ہیں ایک بہت بڑی مدد ہو سکتی ہے۔

کچھ والدوں کو لگتا ہے کہ یہ یقینی طور پر مشکل ہے۔
وہ حیران ہیں کہ جب وہ ولدیت کی چھٹی پر تھے تب بچے کی دیکھ بھال کے لیے درحقیقت کتنی توانائی کی ضرورت تھی۔
یہ اکثر اس لیے ہوتا ہے کہ

آپ کو نیند کی کمی ہو سکتی ہے، اور کچھ کے لیے یہ ذمہ داری تھوڑی مشکل ہوتی ہے کہ وہ سارا دن بچے کے لیے دستیاب رہیں۔

کچھ لوگوں کو لگتا ہے کہ باپ بننا اور ولدیت کی چھٹی لینا ان کی کام کاجی زندگی کے بارے میں غور و فکر کو جنم دیتا ہے۔
کچھ لوگ محسوس کرتے ہیں کہ ولدیت کی چھٹی کی طویل مدت ان کے کیریئر کی راہ میں رکاوٹ بن سکتی ہے۔
دوسروں کو اپنی جائے کار میں ایسا پہلا یا واحد آدمی بننا ایک چیلنج لگتا ہے جو ولدیت کی چھٹی لینے کا انتخاب کرتا ہے۔

کچھ کا کہنا ہے کہ باپ بننے سے انہیں کام اور فیملی کی زندگی کے سلسلے میں نئی ​​ترجیحات ملی ہیں۔
اچانک ہی، فیملی کی زندگی ان کی زندگیوں میں بڑی جگہ لے لیتی ہے۔
اس کو اکثر طویل مدت تک ولدیت کی چھٹی لینے سے تقویت ملتی ہے۔
نتیجتاً، بہت سارے والدوں کو ولدیت کی چھٹی کے بعدکام پر واپس جانا مشکل بھی معلوم پڑتا ہے۔
انہیں اپنے بچے کی یاد آتی ہے اور انہیں قربت اور بچے کے ساتھ گزارے ہوئے وقت کی بھی یاد آتی ہے۔
کچھ لوگ دوسری نوکری، شاید گھر کے قریب کچھ کام تلاش کرنے پر غور کرتے ہیں، تاکہ وہ اپنی روزمرہ کی زندگی میں بچے کے ساتھ زیادہ وقت گزار سکیں۔