لیبر یا پیدائش سے متعلق مشورہ

بچے کی پیدائش کے وقت مردوں کی ایک بڑی تعداد (95%) وہاں موجود ہوتی ہے۔
یہ عموماً جوش، توقع اور خوشی سے بھرپور وقت ہوتا ہے جب بالآخر بچہ دنیا میں آ جاتا ہے۔
اور آپ کو یقینی طور پر گھبرانے کی اجازت ہے – لیبر کا حصہ بننا ایک بڑی چیز ہے۔

ہر پیدائش مختلف ہوتی ہے لہذا اس کی کوئی مکمل گائیڈ نہیں ہے کہ کیا ہوگا۔
لیکن پھر بھی کچھ ایسی چیزیں ہیں جو آپ کے پارٹنر کے لیبر میں ہوتے وقت آپ کو معلوم ہونی چاہئیں۔

پیدائش زیادہ تر آپ کے پارٹنر کی شرائط پر ہوتی ہے لہذا اس بارے میں بات کرنا ایک اچھا آئیڈیا ہے کہ کیا ہوگا اور آپ دونوں کیا توقع کرتے ہیں۔
کچھ صورتحالوں میں آپ کی پارٹنر خود جواب نہیں دے پائیں گی یا فیصلہ نہیں لے پائیں گی لہذا ان کی خواہشات اور جوابات جاننا بہترین ہے۔

اپنی پارٹنر سے اس متعلق بات کریں:

• باپ کے طور پر آپ لیبر کے دوران کیا کردار ادا کرنا چاہیں گے۔
  • کیا بچے کو آپ موصول کریں گے؟
  • وہ شخص جو حبلِ سُرّی کاٹے گا؟
  • سر کی طرف کھڑے ہو کر پارٹنر کا ہاتھ پکڑیں گے؟

• آپ کی پارٹنر کے لیے کی چیز ضروری ہے جس متعلق آپ مدد کر سکتے ہیں؟
  • بات چیت کرنا؟
  • مساج؟
  • چھونا

• آپ کی پارٹنر کو کتنا انستھیسیا اور دایہ کی معاونت کی ضرورت ہے؟

آگاہ رہیں کہ لیبر ناقابل پیشنگوئی ہے لہذا آپ نے کتنی بھی تیاری کر رکھی ہو غیر متوقع چیزیں پیش آ سکتی ہیں۔

لیبر کے دوران سب سے اہم چیز جو آپ کر سکتے ہیں وہ وہاں آپ کی موجودگی ہے۔
لیبر کے دوران اپنا کردار معلوم کرنا کئی مردوں کے لیے مشکل ہو سکتا ہے۔
آپ اپنی پارٹنر کی مدد کرنا چاہتے ہیں مگر یہ جاننا مشکل ہے کہ آپ در اصل کیا کر سکتے ہیں۔

پہلے کھنچاؤ سے لیبر کے اختتام تک کچھ عملی چیزیں ہیں جو آپ اپنے پارٹنر کو سپورٹ کرنے کے لیے کر سکتے ہیں۔

آپ اپنے پارٹنر کو سپورٹ کرنے کے لیے یہ کر سکتے ہیں:

• کھنچاؤ کا وقت معلوم کریں۔
  آپ ایک کھنچاؤ سے اگلے کھنچاؤ کے بیچ کے منٹ کو گن کر کھنچاؤ کا وقت معلوم کر سکتے ہیں۔
  اسمارٹ فونز کے لیے ایسی ایپس بھی موجود ہیں جو وقت کی ٹریکنگ میں مدد کر سکتی ہیں۔

• زچگی کے وارڈ پر کال کریں۔
  جب کھنچاؤ کے درمیان کا وقت تین سے پانچ منٹ پر آ جائے تو لیبر وارڈ کو کال کرنے کا وت ہے۔

• ہسپتال تک جانے کے لیے ٹرانسپورٹ کو پلان کریں۔
  اسے پیشگی طور پر پلان کر لیں کہ ہسپتال کیسے پہنچنا ہے۔
  اور یقینی بنا لیں کہ آپ کو پتا ہو کہ ہسپتال پہنچنے کے بعد کہاں جانا ہے۔

• اپنی پارٹنر کا ہاتھ پکڑیں۔
  لیبر کے دوران گھبراہٹ محسوس کرنا آسان ہے، لیکن آپ اپنی پارٹنر کا ہاتھ پکڑ سکتے ہیں، اس کی تعریف کر سکتے ہیں اور اس کا حوصلہ بڑھا سکتے ہیں۔

• اپنی پارٹنر کا مساج کریں۔
  کچھ خواتین کو لیبر کے دوران مساج کروانا، گلے لگنا یا کسی طریقے سے پیار کا اظہار کیا جانا پسند ہوتا ہے۔
  آپ کھچناؤ کے بیچ اپنی پارٹنر کی ضروریات کے بارے میں پوچھ سکتے ہیں۔

آپ دایہ سے بھی پوچھ سکتے ہیں کہ آپ اپنی پارٹنر کو بہترین طور پر کیسے سپورٹ کر سکتے ہیں۔

لیبر میں طویل وقت لگ سکتا ہے لہذا اس وقت کے دوران اپنے بارے میں بھی سوچیں۔
وقفوں کے دوران کھانا اور پینا یاد رکھیں – غذا اور پانی کی کمی کی وجہ سے آپ کو چکر آ سکتے ہیں اور طبیعت خراب ہو سکتی ہے۔
کئی مردوں کو پرسکون ہونے اور گہری سانس لینے کے لیے لیبر کے دوران بھی وقفے کی ضرورت ہو سکتی ہے۔
اپنی پارٹنر اور دایہ کے ساتھ کے ساتھ وقفے کو آرڈینیٹ کریں اور یقینی بنا لیں کہ جب یہ دوبارہ شروع ہو تو آپ موجود ہوں۔

اپنی حدود سے بھی باخبر رہیں۔
لیبر کے دوران سپورٹ اور مدد کا مظاہر کرنے کے لیے سبھی کچھ دیکھنا آپ کے لیے ضروری نہیں ہے۔

اگر پیدائش کے دوران کچھ ایسا ہوا جس سے آپ کو پریشانی ہوئی تو آپ مدد حاصل کر سکتے ہیں۔
اگر آپ نرس یا دایہ کو بتاتے ہیں تو کئی پیدائش کے سنٹرز بعد از ولادت مشاورت کی پیشکش کرتے ہیں۔
اگر آپ کو پہلے ہی گھر بھیج دیا گیا ہے تو کئی صورتوں میں آپ اب بھی زچگی کے وارڈ سے رابطہ کر سکتے ہیں یا اس کی بجائے آپ اپنے GP سے مدد حاصل کر سکتے ہیں۔